Pinseaftan mottok vi kopi av søknad som er sendt til Statens vegvesen via Lensmannskontoret om forbudsskilt mot køyring med buss og lastebil/vogntog.
les brevet og sjå kartskissa her
Alle innlegg av GLG
VÃ¥rrydding 2007
Vi viser til den utlyste vårryddeaksjonen som vi alle har fått brev om frå Lærdal kommune. Lærdal kommune tilbyr gratis opplasting og bortkøyring av søppel og skrot som vert sett fram til veg.
Ein del lag og organisasjonar har fått tildelt ansvar for ulike område i bygda.  Â
Gamle Lærdalsøyri Grendalag har fått ansvaret for rydding i området frå £yraplassen i aust, riksvegen i sør, Esso i vest og Grandanevegen i nord.
Samling i Kvammegården kl 1800 med vafler og kaffi –
GLG har søppelposar og hanskar,
bidra med ein liten kveldsrunde og rydd litt til pinse i nabolaget.
Det innsamla avfallet vert henta på torsdag.
Siste nytt; 30-sone skiltet er kome opp!
For meir info sjå artikkel datert 13.februar.
Gjeninnfør viktig vernetiltak – no!
Årsmøtet i Gamle Lærdalsøyri grendalag er svært skuffa over at Lærdal kommune har valt å ikkje vidareføre den innarbeidde praksisen med gratis husmåling i verneområda. Denne ordninga har vore eit vellukka tiltak i vernearbeidet gjennom fleire tiår! Etter eitt år opphald i samband med innføring av ny forvaltningsordning, vart det i fjor innført ei ordning med 60 % refusjon ved kjøp av linoljemåling. Den auka kostnaden for huseigarane i verneområda har gjort at mange fleire enn før har valt andre (og rimelegare) målingstypar.
Årsmøtet i Gamle Lærdalsøyri grendalag ber Lærdal kommune om å gjeninnføre praksisen med gratis husmåling innan dei regulerte bevaringsområda, før neste søknadsrunde.
Einstemmig vedteke på årsmøtet i Gamle Lærdalsøyri Grendalag 17.02.2007
Skiltgåve til Lærdal kommune
Gamle Lærdalsøyri Grendalag har kjøpt eit 30-sone-skilt til Lærdal kommune.
Grendalaget ber om at skiltet vert plassert ved den gamle brannstasjonen i Lærdal, sidan det eine skiltet som har stått der i mange år, ikkje er gyldig etter Vegtrafikklova.
Med overrekkinga ynskjer vi å få fokus på at dette er eit område med dårleg trafikksikkerheit for alle i området, spesielt born, eldre og turistar.
I desse dager er det to år sidan Gamle Lærdalsøyri Grendalag (GLG) vart stifta. Våren 2005 skisserte GLG nokre strakstiltak som skulle føre til eit tryggare miljø for bebuarar og turistar. Blomsterkasser og innføring av gatetun for å hindre høg fart er nokre av tiltaka som har vore føreslegne. Handsaming av strakstiltaka har blitt utsett i to år på grunn av stadig nytt og spanande planarbeid.
Medan grendalaget ventar på fullføringa av planarbeidet, gjev me kommunen eit skilt slik at innfartsåra til området er gyldig skilta. Gyldig skilting gjer óg til at det vert lovleg med fartskontrollar i området.